Пісьменнікі Гомельшчыны годна прадставілі рэгіён на свяце – ХХХ Дне беларускага пісьменства

Творчая дэлегацыя аб­лас­нога аддзялення Саюза пісьменнікаў Беларусі пазнаёміла жыхароў і гасцей Гарадка Віцебскай вобласці з лепшымі здабыткамі мастацкага слова Гомельшчыны.

Пісьменнікі прэзентавалі чытачам сем цікавых літа­ратурна-музычных праек­таў, праграм і кніг. Прадставілі праграму «На зямлі Кірылы Тураўскага…». Гэта прэзентацыя выдавецкага праекта, які ажыццяўляецца з 2013 года Гомельскім аблвыканкамам і абласным аддзяленнем СПБ у межах абласной літаратурнай прэміі імя Кірылы Тураўскага. Уладзімір Гаўрыловіч, Лідзія Долбікава, Тамара Кручэнка, Іна Спасібіна, Соф’я Шах, Аляксей Бычкоў, Іна Зарэцкая, Людміла Яськова, Віктар Задарожны і супрацоўнікі абласной універсальнай бібліятэкі падзяліліся дасяг­неннямі і кніжнымі навінкамі 2023 года.

Прыемна, што ўпершыню ў гісторыі свята і Нацыянальнай літаратурнай прэміі адразу два прадстаўнікі Гомельшчыны сталі лепшымі пісьменнікамі года краіны. У намінацыі «Проза» лепшым мастацкім творам прызнаны раман-версія «Па веры вашай…» вядомага бела­рускага літаратара, заслужанага дзеяча культуры Беларусі, старшыні абласнога аддзялення Саюза пісьменнікаў Беларусі Уладзіміра Гаўрыловіча.

Лепшым паэтычным творам прызнана кніга вянкоў санетаў вядомай беларускай паэтэсы, члена абласнога аддзялення Саюза пісьменнікаў Беларусі Соф’і Шах.