Трактары запраўляюць... малаком

Па пуду малака ад каровы зараз надойваюць у сельскагаспадарчым філіяле “Марозавічы” адкрытага акцыянернага таварыства “Гомельскі хімічны завод”. Гэта амаль на чатыры кілаграмы больш, чым у адпаведныя дні летась. Выручка за месяц ад рэалізацыі гэтай прадукцыі перавышае 120 мільёнаў рублёў. “Гэтых грошай хапае не толькі на зарплату і плацяжы ў бюджэт, а і на пакупку гаруча-змазачных матэрыялаў для сельскагаспадарчай тэхнікі, — тлумачыць дырэктар сельгаспрадпрыемства В. В. Пархоменка. — Вобразна кажучы, свае трактары мы запраўляем малаком. А дабіваемся зараз такіх высокіх надояў дзякуючы добрай арганізацыі ўтрымання дойнага статка і забяспечанасці яго зялёнымі кармамі”.