Шчодры талент земляка

У карціннай галерэі імя Я. Маісеенкі адбыўся творчы вечар “Шчодры талент”. Прысвячаўся ён 55-годдзю з дня нара­джэння земляка — беларускага пісьменніка і паэта Анатоля Зэкава. Вучні Патапаўскай школы, дзе калісьці вучыўся віноўнік урачыстасці, падрыхтавалі літаратурна-музычную кампазіцыю па матывах яго твораў. А ў завяршэнне работнікі Буда-Кашалёўскага аграрна-тэхнічнага каледжа выканалі гімн сваёй навучальнай установы, словы да якога напісаў Анатоль Зэкаў.