Абвал у гасцініцы

У ноч з другога на трэцяе мая абваліліся пліты перакрыццяў на двух блоках у Добрушскай гасцініцы. Чуткі аб гэтым ходзяць розныя. А як усё было на самой справе? Вось што расказаў генеральны дырэктар КУП “Добрушскі камунальнік” М. М. Маскаленка:
— Людзей у гасцініцы не было, бо яшчэ ў канцы красавіка прынята рашэнне аб яе рэканструкцыі. З-за адсутнасці фінансавых сродкаў капітальны рамонт тут не праводзіўся на працягу больш трох дзесяткаў гадоў.
Ноччу ў памяшканні знаходзілася толькі дзяжурная. Яна пачула трэск і грукат. Жанчына тут жа пазваніла ў сваю дыспетчарскую і раённы аддзел Міністэрства па надзвычайных сітуацыях. Усе службы хутка выехалі на месца здарэння. Знешне гасцініца не памяняла аблічча. Што ўнутры — вы бачыце на здымку.
Зараз тут разбіраюцца завалы, устанаўліваюцца канкрэтныя прычыны здарэння.
С. ДАРОЖНЫ