Летнія наваселлі

Дзве добрушскія сям’і вырашылі пераехаць на пастаяннае месца жыхарства і работы ў КСУП “Красная Буда”. Ім прадастаўлены два новыя домікі прысядзібнага тыпу. У такіх жа дамах справілі нядаўна наваселлі сем’і мясцовых механізатара Алега Рудзянкова і жывёлавода Анатоля Аўраменкі. Дырэктар сельгаспрадпрыемства С. А. Пашко паведаміў, што гаспадарка эканамічна ўмацоўваецца, а таму вырашаюцца многія сацыяльныя пытанні, у тым ліку і жыллёвыя. Хутка будуць пабудаваны яшчэ чатыры домікі.