“І толькі тут заўсёды дома…”

Прэзентацыя кнігі “Зямля чароўная дабра” стала яркай падзеяй культурнага жыцця раёна. У ёй бралі ўдзел аўтары — калектыў выкладчыкаў ГДУ імя Ф. Скарыны на чале з навуковым кіраўніком, галоўным рэдактарам выдання, доктарам філалагічных навук, прафесарам, загадчыкам кафедры беларускай мовы Аляксандрай Станкевіч, пісьменнікі — ураджэнцы раёна. Шчыра прывіталі ўдзельнікаў вечарыны старшыня райвыканкама Вольга Мохарава і яе намеснік Рыгор Козыраў. Гучалі вершы, выконваліся песні пра добрушскі край. Сваімі меркаваннямі пра кнігу падзяліліся дактары філалагічных навук, прафесары ГДУ імя Ф. Скарыны Валянціна Новак і Вольга Шынкарэнка, кандыдат гістарычных навук, дацэнт Алег Макушнікаў, ветэран педагагічнай працы Вера Генаш і многія іншыя.