І насенне кветак на развітанне

Раён наведала дэлегацыя з суседняй Веткаўшчыны. У яе ўваходзілі работнікі раённага выканаўчага камітэта і старшыні сельвыканкамаў. Госці цікавіліся выкананнем дзяржаўных сацыяльных стандартаў па вулічнаму асвятленню населеных пунктаў, кантролем за экалагічным і санітарным станам аб’ектаў водазабеспячэння і якасцю пітной вады, іншымі пытаннямі. На развітанне веткаўчане атрымалі незвычайны падарунак — старшыня савета ветэранаў вёскі Жгунь В. А. Бондарава падарыла ім насенне кветак. Вясной яны ўпрыгожаць веткаўскую зямлю.