Месца сустрэчы — ліцейны завод

Міністэрства прамысловасці Рэспублікі Беларусь правяло Дзень якасці на рэспубліканскім унітарным прадпрыемстве “Гомельскі ліцейны завод “Цэнтраліт”.
Па выніках мінулага года прадпрыемства ўдастоена звання лаўрэата галіны па якасці вырабляемай прадукцыі. Тавары “Цэнтраліта” прызнаны лепшымі на рынках Расіі і Беларусі. На працягу некалькіх апошніх гадоў яно працуе са станоўчай дынамікай. Тут не толькі расце вытворчасць таварнай прадукцыі, а пастаянна паляпшаецца яе якасць, зніжаюцца затраты энергіі. Таму ліцейныя вырабы канкурэнтаздольныя і карыстаюцца попытам на ўнутраным і знешнім рынках. Павялічваюцца пастаўкі чыгуннай прадукцыі ў краіны далёкага замежжа.
Аб удасканальванні сістэм якасці прадукцыі і менеджмента расказаў прысутным дырэктар завода М. А. Сайкоў. Госці азнаёміліся з работай гомельскіх ліцейшчыкаў па ўсіх напрамках непасрэдна ў вытворчых цэхах.
С. ДАРОЖНЫ