Гучы, музыка!

У дзіцячай школе мастацтваў адбыўся канцэрт, падрыхтаваны выпускнікамі мінулых гадоў. Дванаццаць юных музыкантаў, што зараз працягваюць навучанне ў Мазырскім дзяржаўным музыкальным каледжы, завіталі да сваіх былых педагогаў, каб аддзячыць ім за тое, што ў свой час прывілі любоў да музыкі і мастацтва. Рабяты займаюцца ў Мазыры па класах фартэпіяна, скрыпкі, флейты, баяна і іншых інструментаў, знаходзяцца ў ліку лепшых навучэнцаў. А выкладчыкі каледжа аказалі метадычную дапамогу ў прафарыентацыі цяперашнім навучэнцам школ мастацтваў Ельскага раёна.