Гаспадаркі Хойніцкага раёна пачалі вясеннюю сяўбу

Першыя дзясяткі гектараў засеялі раннімі яравымі збожжавымі культурамі ў КСУП імя І.П. Мележа. Тут жа адбылося і свята першай баразны, арганізаванае раённым Домам культуры, паведамілі ў аддзеле ідэалогіі, культуры і па справах моладзі. У бліжэйшыя дні сяўбу пачнуць і другія гаспадаркі Хойнікшчыны.

Да механізатараў са словамі віншавання звярнуўся намеснік старшыні райвыканкама, начальнік упраўлення сельскай гаспадаркі і харчавання райвыканкама Аляксандр Калыхан. Ён пажадаў сельскім працаўнікам моцнага здароўя, спрыту ў руках, дабрабыту ў сем’ях.