Дыяменты душы

Ніякія іспыты лёсу не ачарсцвілі сэрца гэтай жанчыны. Яна любіць жыццё і цікавіцца ўсім, што адбываецца ў свеце. Антаніна Вільгельмаўна Аляшкевіч — адна са старэйшых падпісчыкаў “Гомельскай праўды”.Яна вырасла ў мнагадзетнай сям’і, дзе было 10 дзяцей. А перад самай Вялікай Айчыннай страціла маці. Увесь клопат пра малодшых сясцёр і братоў узяла на сябе. Муж яе не вярнуўся з Вялікай Айчыннай, загінуў літаральна за некалькі дзён да Перамогі... Сёння гамяльчанка Антаніна Вільгельмаўна Аляшкевіч адзначае сваё 103-годдзе. І ў гэтым паважаным узросце яна застаецца абаяльнай сваёй любоўю да людзей, добразычлівасцю і гасціннасцю. Тамара КРУЧЭНКА