Сядай зручна, малыш!

Упершыню на выстаўцы “Мінскі мэблевы салон” гомельскае прыватнае вытворчае унітарнае прад­прыемства “Фанера-запалкавы камбінат” прадставіла навінку — дзіцячы мэблевы гарнітур. Як паведаміў дырэктар прадпрыемства М. Ф. Геўрасёў, многія спажыўцы рэспублікі адразу ж заказалі дзіцячую мэблю. Ужо ў маі будзе выраблена і пастаўлена паўсотнi камплектаў па канкрэтных заказах. Вытворчасць новай прадукцыі плануецца пашыраць. Адначасова на прадпрыемстве ў мэблевым цэху асвоілі і выраб сталоў для сталовых.