Масква дае дабро

Кіраўніцтва фанера-запалкавага камбіната нядаўна заключыла кантракт з маскоўскай фірмай “Саюз” на штомесячную пастаўку фанеры. Першую партыю прадукцыі гамяльчане плануюць адгрузіць у сталіцу Расіі ўжо ў канцы лютага.  Варыянты аналагічнага кантракта прапрацоўваюцца і з яшчэ адной маскоўскай фірмай. Характэрна, што масквічы за фанеру плацяць больш, чым у краінах Заходняй Еўропы. У выніку — пастаўкі ў Маскву выгадныя і будуць павялічвацца.