Каб сустрэла школа кветкамі і хараством

Цішыню ў школьных будынках зараз, падчас канікулаў, парушаюць толькі шоргат піл ды стук малаткоў — ідзе рамонт. Пакуль рабяты адпачываюць, паднаўляюцца класы і кабінеты, праводзіцца добраўпарадкаванне тэрыторыі. Удзельнічаюць у такіх работах і самі вучні — як, напрыклад, у Залескай школе Петрыкаўскага раёна. Падчас школьнай вытворчай практыкі рабяты высаджваюць кветкі, даглядаюць зялёныя насаджэнні, падфарбоўваюць лаўкі. Затое ў першы вераснёўскі дзень новага навучальнага года школьны двор сустрэне вучняў кветкамі і чысцінёй.
Мікалай Бяльковіч