Мова водарам дыхае, быццам вясна

Напрыканцы сакавіка ў Мазыры праходзіў заключны этап 23-й рэспубліканскай алімпіяды па беларускай мове. У ёй удзельнічала восем каманд — з усіх абласцей, сталіцы рэспублікі і ліцэя БДУ. Пяць дзён школьнікі, навучэнцы каледжаў і ліцэяў не толькі спаборнічалі ў ведах, але і змястоўна праводзілі час. Знаёмства са славутымі мясцінамі горада над Прыпяццю, лепшымі яго дзіцячымі сама-дзейнымі калектывамі, сустрэчы з паэтамі, вучонымі педагагічнага уні-версітэта пакінулі ў іх самыя добрыя ўражанні. На жаль, алімпіяда атрымалася амаль выключна дзявочай: сярод 114 яе ўдзельнікаў было толькі два хлопцы.
Тры першыя прызавыя месцы дасталіся камандам Віцебскай, Мінскай і Гродзенскай абласцей. Гамельчане — чацвёртыя. У асабістым заліку гімназісткі са Светлагорска Вікторыя Працко і Жанна Клімянок адпаведна сталі ўладальніцамі дыпломаў другой і трэцяй ступеняў. Дыпламанты трэцяй ступені — Алеся Яроменка (Жлобінская СШ № 13), Таццяна Снягір (Скяпнянская школа Жлобінскага раёна) і Яўген Лаковіч (Гомельская СШ № 12). Спецыяльным прызам журы адзначана мазыранка Юлія Цімашэнка (СШ № 14). Спецыяльныя прызы Гомельскага аблвыканкама ўручаны вучаніцы Стадоліцкай школы Лельчыцкага раёна Наталлі Богдан, а Мазырскага гарвыканкама — Ганне Дубавец з СШ № 14 г. Мазыра.
Л. ЛОБАН