Новым тэхналогіям на дарогах — шырэй дарогу

Эфектыўна і прыбыткова працуюць сёлета работнікі камунальнага праектна-рамонтна-будаўнічага унітарнага прадпрыемства “Гомельаблдарбуд”. У немалой ступені дзякуючы пастаяннаму ўкараненню ў вытворчасць перадавога вопыту, новых тэхналогій і тэхнікі. На гэтыя мэты тут пастаянна ўкладваецца большая частка прыбытку. Толькі на працягу апошняга года прадпрыемства набыло дзесяць новых аўтамабіляў грузападымальнасцю 20 тон, некалькі мадэрнізаваных расійскіх каткоў, асфальтаўкладчыкаў, іншай спецтэхнікі.
Уся яна зараз задзейнічана ў рабоце. Як больш эфектыўна яе выкарыстоўваць і прымяняць новыя тэхналогіі, а таксама паляпшаць якасць будаўнічых і рамонтных работ? Гэтыя пытанні былі нядаўна разгледжаны на семінары, які праведзены прадпрыемствам са сваімі структурнымі падраздзяленнямі ў практычных умовах рамонту гомельскіх дарог.
У бліжэйшыя дні будзе набыты сучасны аўтапоезд для транспарціроўкі асфальтабетону і іншая высока-прадукцыйная тэхніка.