Аўстрыйцы выходзяць на сувязь
- 1421
- 11:12
- 24.01.2008
Поделиться
Гомель з’яўляецца цэнтрам межрэгіянальнага супрацоўніцтва Расіі, Украіны і Беларусі. Пастаянна расшыраюцца партнёрскія сувязі суб’ектаў гаспадарання з іншымі краінамі Садружнасці незалежных дзяржаў, а таксама з больш чым 70 краінамі далёкага замежжа. У іх ліку і Аўстрыя.
У параўнанні з 2002 годам летась тавараабарот з гэтай дзяржавай узрос на 1,2 працэнта і ацэньваецца ў 22,7 мільёна долараў ЗША. Хуткімі тэмпамі растуць экспартныя пастаўкі, якія за год павялічыліся на 1,5 працэнта, хоць і ўступаюць пакуль імпарту. У цэлым тавараабарот з Аўстрыяй працягвае павялічвацца.
Аб гэтым у сваім уступным слове напомніў намеснік старшыні аблвыканкама У. М. Патупчык на сустрэчы ў Гомелі прадстаўнікоў дзелавых колаў Аўстрыі і нашай вобласці.
— Мы маем магчымасці актывізаваць кантакты паміж нашымі суб’ектамі гаспадарання, — адзначыў Уладзімір Мікалаевіч. — Іх трэба выкарыстаць спаўна. Спадзяюся, што візіт аўстрыйскіх дзелавых колаў, сустрэчы і перамовы з прадстаўнікамі гомельскага бізнесу паслужаць справе развіцця і пашырэння супрацоўніцтва.
Прыкладна такую думку выказаў і кіраўнік дэпартамента краін СНД Палаты эканомікі Аўстрыі Гуйда Шток. У прыватнасці, у інтэрв’ю для нашай газеты ён адзначыў, што актывізацыі супрацоўніцтва паміж Аўстрыяй і нашай рэспублікай у нямалай ступені садзейнічалі візіты ў гэту краіну кіраўніка беларускага ўрада С. С. Сідор-скага і першага віцэ-прэзідэнта Беларускай гандлёва-прамысловай палаты В. М. Анапрайчука. Былі абмеркаваны планы сумеснай знешнеэканамічнай дзейнасці.
— У Гомель мы прыехалі таму, што перакананы ў эфектыўнасці асабістых сустрэч бізнесменаў, — падкрэсліў кіраўнік аўстрыйскай дэлегацыі. — Хачу таксама паведаміць, што ў нашай краіне малы і сярэдні бізнес перавышае 90 працэнтаў. І яшчэ адна адметная рыса. Аўстрыя пастаўляе ў асноўным сродкі вытворчасці, у тым ліку навейшыя тэхналагічныя лініі. Укараненне іх, думаю, дазволіць зрабіць гомельскую прадукцыю больш канкурэнтаздольнай, а таксама па-сучаснаму развіваць вашу прамысловасць.
— У нашым горадзе вы ўпершыню? — пытаю ў Гуйда Штока.
— Першы раз, але спадзяюся, што не апошні, — адказаў госць. — Гомель мне спадабаўся сваёй чысцінёй, акуратнасцю, гасціннасцю і прыветлівасцю людзей.
У гэты ж дзень прадстаўнікі аўстрыйскай дэлегацыі наведалі Жлобін, дзе ў свой час замежнымі кампаніямі “Фест Альпіне” (Аўстрыя) і “Даніелі” (Італія) быў пабудаваны Беларускі металургічны завод. А яшчэ праз некалькі гадоў з удзелам аўстрыйскага капіталу была створана і паспяхова працуе сумеснае прадпрыемства “Аўстрабел”.
Сваю дзелавую паездку аўстрыйская дэлегацыя закончыла ў Мінску. Вынікі сустрэч 85 суб’ектаў гаспадарання Гомельшчыны з 24 фірмамі Аўстрыі былі карыснымі і эфектыўнымі.
— У цэлым зроблены прыкметны крок па паскарэнню ўзаемавыгаднага супрацоўніцтва, — паведаміў генеральны дырэктар Гомельскага ад-дзялення Беларускай гандлёва-прамысловай палаты В. К. Старавойтаў. — Праведзена 158 перагавораў па арганізацыі партнёрскіх сувязяў і за-ключана ўжо некалькі кантрактаў.
У параўнанні з 2002 годам летась тавараабарот з гэтай дзяржавай узрос на 1,2 працэнта і ацэньваецца ў 22,7 мільёна долараў ЗША. Хуткімі тэмпамі растуць экспартныя пастаўкі, якія за год павялічыліся на 1,5 працэнта, хоць і ўступаюць пакуль імпарту. У цэлым тавараабарот з Аўстрыяй працягвае павялічвацца.
Аб гэтым у сваім уступным слове напомніў намеснік старшыні аблвыканкама У. М. Патупчык на сустрэчы ў Гомелі прадстаўнікоў дзелавых колаў Аўстрыі і нашай вобласці.
— Мы маем магчымасці актывізаваць кантакты паміж нашымі суб’ектамі гаспадарання, — адзначыў Уладзімір Мікалаевіч. — Іх трэба выкарыстаць спаўна. Спадзяюся, што візіт аўстрыйскіх дзелавых колаў, сустрэчы і перамовы з прадстаўнікамі гомельскага бізнесу паслужаць справе развіцця і пашырэння супрацоўніцтва.
Прыкладна такую думку выказаў і кіраўнік дэпартамента краін СНД Палаты эканомікі Аўстрыі Гуйда Шток. У прыватнасці, у інтэрв’ю для нашай газеты ён адзначыў, што актывізацыі супрацоўніцтва паміж Аўстрыяй і нашай рэспублікай у нямалай ступені садзейнічалі візіты ў гэту краіну кіраўніка беларускага ўрада С. С. Сідор-скага і першага віцэ-прэзідэнта Беларускай гандлёва-прамысловай палаты В. М. Анапрайчука. Былі абмеркаваны планы сумеснай знешнеэканамічнай дзейнасці.
— У Гомель мы прыехалі таму, што перакананы ў эфектыўнасці асабістых сустрэч бізнесменаў, — падкрэсліў кіраўнік аўстрыйскай дэлегацыі. — Хачу таксама паведаміць, што ў нашай краіне малы і сярэдні бізнес перавышае 90 працэнтаў. І яшчэ адна адметная рыса. Аўстрыя пастаўляе ў асноўным сродкі вытворчасці, у тым ліку навейшыя тэхналагічныя лініі. Укараненне іх, думаю, дазволіць зрабіць гомельскую прадукцыю больш канкурэнтаздольнай, а таксама па-сучаснаму развіваць вашу прамысловасць.
— У нашым горадзе вы ўпершыню? — пытаю ў Гуйда Штока.
— Першы раз, але спадзяюся, што не апошні, — адказаў госць. — Гомель мне спадабаўся сваёй чысцінёй, акуратнасцю, гасціннасцю і прыветлівасцю людзей.
У гэты ж дзень прадстаўнікі аўстрыйскай дэлегацыі наведалі Жлобін, дзе ў свой час замежнымі кампаніямі “Фест Альпіне” (Аўстрыя) і “Даніелі” (Італія) быў пабудаваны Беларускі металургічны завод. А яшчэ праз некалькі гадоў з удзелам аўстрыйскага капіталу была створана і паспяхова працуе сумеснае прадпрыемства “Аўстрабел”.
Сваю дзелавую паездку аўстрыйская дэлегацыя закончыла ў Мінску. Вынікі сустрэч 85 суб’ектаў гаспадарання Гомельшчыны з 24 фірмамі Аўстрыі былі карыснымі і эфектыўнымі.
— У цэлым зроблены прыкметны крок па паскарэнню ўзаемавыгаднага супрацоўніцтва, — паведаміў генеральны дырэктар Гомельскага ад-дзялення Беларускай гандлёва-прамысловай палаты В. К. Старавойтаў. — Праведзена 158 перагавораў па арганізацыі партнёрскіх сувязяў і за-ключана ўжо некалькі кантрактаў.
Реклама
