Культурнае жыццё ў Лоеве ажывілася з адкрыццём пасля рэстаўрацыі раённага Дома культуры

І загучала музыка Як паведаміла спецыяліст аддзела культуры райвыканкама Ірына Пастухова, тут аднавілі работу гурткі самых розных накірункаў. Створаны і новыя — два харэаграфічных, у якіх займаюцца малодшыя школьнікі і дарослыя. Зноў праводзяць свае рэпетыцыі народны тэатр «Адлюстраванне» і маладзёжны тэатральны калектыў «Срэбны шар» (кіраўнік Ірына Каляда), без якога ў райцэнтры не праходзіць ніводнае свята. Дарэчы, ён таксама рыхтуецца да іспыту на званне народнага. Актывізавалася і канцэртная дзейнасць. З цудоўнымі праграмамі тут ужо выступілі «Песняры», Жанет, Дзмітрый Смольскі, гомельская студыя ўсходняга танца «Наджах», мясцовы народны ансамбль «Жывіца». А заўтра лаяўчан чакае сустрэча з камерным хорам абласной філармоніі пад кіраўніцтвам Алены Сакаловай.