У Буда-Кашалёве прайшоў конкурс «Калядная зорка»

Некалькі дзесяткаў прэтэндэнтаў змагаліся за перамогу ў раённым конкурсе «Калядная зорка». Пераможцамі прызнаны ў розных намінацыях загадчыца аддзялення сацыяльнай дапамогі на даму тэрытарыяльнага цэнт­ра абслугоўвання насельніцтва Наталля Паўлава, настаяцель храма Ражства Прасвятой Багародзіцы з Уваравічаў айцец Міхаіл Барысёнак, дырэктар Уваравіцкага Дома культуры Галіна Барысенка, іншыя ўдзельнікі. Ва ўрачыстай абстаноўцы ўзнагароды ім уручыў старшыня райвыканкама Аляксандр Грыгарэнка. У ходзе правядзення конкурсу дэманстраваліся выставы ўстаноў адукацыі, навучэнцаў мастацкага аддзялення дзіцячай школы мастацтваў райцэнтра, а таксама фота­здымкі дырэктара Патапаўскага сельскага Дома культуры Мікалая Васіленкі.