Акцыя пад назвай “Моладзь — фестывалю” праходзіць у вёсках Вялікія і Малыя Аўцюкі

У канцы ліпеня тут адбудзецца традыцыйны ўсебеларускі фестываль гумару. Маладыя рабочыя і студэнты ў вольны час прыкладаюць рукі да таго, каб да свята вёскі пахарашэлі. Штодзённа туды накіроўваюцца працоўныя дэсанты з дваццаці чалавек. Добраахвотныя памочнікі прыводзяць у парадак дамы адзінокіх састарэлых вяскоўцаў — фарбуюць фасады, агароджы. Усяго ім трэба давесці да ладу 40 дамоў. Большая частка работы ўжо выканана. У акцыі, ініцыяванай аддзелам моладзі райвыканкама, прыме ўдзел 350 чалавек.