Калейдоскоп — обзоры, акции и новости от партнеров

Кіно па-беларуску: анлайн-кінатэатр VOKA ад А1 выпусціў пяць знакамітых стужак у новай агучцы

1122
12:45
20.12.2025

Анлайн-кінатэатр VOKA ад А1 выпусціў пяць навінак – знакамітыя замежныя стужкі ў беларускай агучцы. Калі вы акурат думалі, што ж такога паглядзець у вялікія святочныя выхадныя, дык вось падказка.

«Сабака» (Dog, 2021)

42_V1-825_Films_Nov25_Dog_1280x720px_Kat_v3 (3).jpg

Былы салдат і сабака едуць на пахаванне сябра. Гэта кранальнае роўд-муві – рэжысёрскі дэбют Чэнінга Татума, якога можна ўбачыць і ў галоўнай ролі. Фільм заснаваны на рэальнай гісторыі яго ўласнай сабакі Лулу, якой дыягнаставалі рак. У фільме ролю Лулу выконвалі тры бельгійскія малінуа (а не нямецкія аўчаркі) – Брыт, Лана 5 і Зуза, а сам Татум даследаваў метафарычную сувязь паміж салдатам і сабакам, таксама праходзячы праз уласную рэальную паездку для развітання з гадаванцам.

«Піяніст» (The Pianist, 2002)

29_V1-825_Films_Nov25_Pianist_1280x720px_Kat_v1.1.jpg

Легендарная драма Рамана Паланскі, знятая па аўтабіяграфіі Уладзіслава Шпільмана, аднаго з найлепшых піяністаў Польшчы 30-х гадоў мінулага стагоддзя, які апынуўся ў Варшаўскім гета. Фільм вядомы неверагоднай самааддачай Эдрыяна Броўдзі, які схуднеў амаль на 14 кілаграмаў, жыў аскетычна, прадаў рэчы і вучыўся граць на фартэпіяна Шапэна, каб ужыцца ў ролю Уладзіслава Шпільмана і ў выніку стаць самым маладым акцёрам, які атрымаў «Оскар» за найлепшую мужчынскую ролю ў 29 гадоў. Карціна таксама атрымала галоўны прыз Канскага кінафестывалю ў 2002 годзе.

«Ляўша» (Southpaw, 2015)

У баксёра Білі Хоўпа ўсё было выдатна: званне чэмпіёна, прыгажуня-жонка і любімая дачка. Але фартуна адварочваецца ад яго: пры трагічных абставінах гіне любімая жонка, дыскваліфікацыя на рынгу, нулявыя даходы, суд пазбаўляе яго бацькоўскіх правоў... Хоўп павінен адстаяць званне чэмпіёна і вярнуць дачку. Ці ёсць у Хоўпа шанцы на перамогу? Усё вырашыць яго знакаміты хук левай. У галоўнай ролі – Джэйк Джыленхол, якому давялося прайсці сур’ёзную фізічную трансфармацыю і баксёрскую падтрыхтоўку для здымак. Фільм прысвечаны памяці кампазітара Джэймса Хорнера, які напісаў музыку.

«Лёс патруля» (End of Watch,2012)

103_V1-825_Films_Nov25_LyosPatrulya_1280x720px_Olga_v7.jpg

Двое сяброў-паліцэйскіх, Браян Тэйлар і Майк Завала, служаць у паліцыі Лос-Анджэлеса і патрулююць небяспечныя раёны горада, дзе варочаюць банды. Служба не перашкаджае Браяну і Майку абзавесціся сем'ямі, але аднойчы іх жыцці і дабрабыт блізкіх аказваюцца пад пагрозай, калі паліцэйскія парушаюць планы ўплывовай крымінальнай групоўкі. Каб ужыцца ў свае ролі, у якіх былі рэальныя прататыпы, акцёры Джэйк Джыленхол і Майкл Пенья цягам пяці месяцаў ездзілі разам з паліцэйскімі ў патрулі.

«Забойства ва Усходнім экспрэсе» (Murder on the Orient Express, 1974)

36_V1-831_Films_Dec25_ZaboystvaVaUshodnimExprese_1280x720px_Olga_v3.jpg

Трансеўрапейскі экспрэс «Стамбул-Кале» трапляе ў снежны палон, і ў той жа час у адным з купэ знойдзены забіты пасажыр. Але дэтэктыў Эркюль Пуаро аказваецца побач і прама на месцы пачынае расследаванне. У адрозненне ад пазнейшых версій, дзеянне фільма 1974 года адбываецца амаль цалкам унутры цягніка, што бліжэй да кніжнай першакрыніцы Агаты Крысці. Рэальны цягнік «Усходні экспрэс» да таго часу не існаваў, але для здымак выкарыстоўвалі сапраўдныя вагоны, а дэкарацыі аднаўлялі інтэр'еры па фатаграфіях. Фільм стаў знакавай падзеяй, якая вярнула легенду пра цягнік на экраны. Цікавы ён і сваім зорным складам, уключаючы Інгрыд Бергман, якая атрымала за яго «Оскар». Прэм'еру наведала сама Агата Крысці, якая была вельмі задаволеная вынікам, асабліва Альбертам Фіні, які стаў для яе ідэальным Пуаро. Гэта быў яе апошні выхад у свет перад смерцю.

***

Кожны з гэтых фільмаў можна паглядзець у раздзеле «CINEVOKA – Кіно па-беларуску» ў анлайн-кінатэатры VOKA. Зараз у эксклюзіўнай калекцыі праекта даступна больш за 100 карцін у беларускай агучцы: ад усімі любімай класікі да самых гучных прэм'ер апошніх гадоў. Кантэнт створаны спецыяльна для платформы. Напярэдадні навагодніх святаў анлайн-кінатэатр VOKA падрыхтаваў для сваіх гледачоў яшчэ і вясёлыя прадказанні на будучы год ад любімых кінагерояў. Да 31 студзеня 2026 года на спецыяльным сайце voka2026.by кожны жадаючы зможа падключыць падпіску «Усё ўключана» са скідкай 50% на першыя 360 дзён і пакруціць віртуальнае кола, каб зазірнуць ў верагодны сюжэт сваёй будучыні.

Читайте «Правда Гомель» в соцсетях: всё главное о жизни города, без лишнего. Новости, люди, события – там, где вы уже есть

Кіно па-беларуску: анлайн-кінатэатр VOKA ад А1 выпусціў пяць знакамітых стужак у новай агучцы

Реклама

Другие статьи раздела