Беларусы абавязкова захаваюць для нашчадкаў мірнае неба над родным домам. Аб гэтым Прэзідэнт Беларусі Аляксандр Лукашэнка заявіў 24 студзеня падчас акцыі "Марафон адзінства", перадае карэспандэнт .
"На гэтым дадзеным нам Богам кавалачку зямлі - наш адзіны дом. І гэты дом не прадаецца ні за якія грошы", - падкрэсліў кіраўнік дзяржавы.
Прэзідэнт запэўніў, што ў Беларусі працягнуць будаваць гарадскія кварталы і вëскі будучыні, дарогі і заводы, станцыі метро і школы, а таксама мадэрнізаваць сельскую гаспадарку, развіваць навуку, адукацыю, медыцыну. "Рабіць усё, каб краіна станавілася яшчэ больш прыгожай і ўтульнай для нас, нашых дзяцей і ўнукаў", - заявіў беларускі лідар. Менавіта гэтаму, паводле яго слоў, прысвечаны першы ў пяцігодцы якасці Год добраўпарадкавання. "Будзе і працяг. І, самае галоўнае, мы абавязкова захаваем для нашчадкаў мірнае неба над нашымі дамамі", - падкрэсліў кіраўнік дзяржавы.
