Аб чым пісала «Гомельская праўда» у 1945-м

Яго змястоўныя даклады як лектара гаркома партыі часта слухалі рабочыя гарадскіх прадпрыемстваў. Іван Данілавіч быў членам пленума гаркома КП(б)Б.

 

Незадоўга да пачатку вайны з фашысцкай Германіяй полк, дзе служыў тав. Чарняхоўскі, быў адпраўлены для нясення службы ў Заходнюю Беларусь.

 

Не забыў генерал арміі Чарняхоўскі і ў вайну горад Гомель, які ён палюбіў за яго прывабны і прыгожы выгляд. Зусім нядаўна, восенню мінулага года, сакратар абкома КП(б)Б тав. Куцак і сакратар гаркома партыі Герой Савецкага Саюза тав. Барыкін наведалі яго ў штабе фронта.

 

Генерал арміі распытваў прыбыўшых аб тым, як забудоўваецца горад, у чым ён мае патрэбу, якія планы яго аднаўлення. Госці з Гомеля аб усім расказвалі генералу арміі.

 

Развітваючыся з гамельчанамі, тав. Чарняхоўскі паведаміў, што войскі 3-га Беларускага фронта робяць невялікі падарунак. У Гомель былі накіраваны 12 грузавых аўтамашын і рад другіх каштоўных і вельмі патрэбных у аднаўленні горада рэчаў. У хуткім часе падарункі франтавікоў прыбылі ў Гомель.

 

Па прапанове працоўных некалькі дзён назад выканкам гарсавета прыняў рашэнне ўшанаваць памяць выдатнага савецкага палкаводца, войскі якога прымалі актыўны ўдзел у вызваленні Савецкай Беларусі ад нямецка-фашысцкіх захопнікаў. Па рашэнню гарсавета вуліца Ляшчынская, на якой знаходзіліся казармы танкавага палка, дзе служыў Іван Данілавіч Чарняхоўскі, перайменавана ў вуліцу імя Чарняхоўскага. Першы спецыяльны дзіцячы дом, у якім выхоўваюцца дзеці франтавікоў, перайменаваны ў спецыяльны дзіцячы дом імя генерала арміі І. Д. Чарняхоўскага.