Уборкаўская сельская бібліятэка Лоеўскага раёна рэалізуе цікавы краязнаўчы праект
- 2579
- 08:55
- 24.12.2023
Поделиться
Бібліятэкар Наталля Курдзесава развівае цікавасць да мінулага і вядзе прапаганду краязнаўчых ведаў сярод чытачоў.
Краязнаўчае падарожжа «Вёска Уборак у коле часу» выхоўвае ў дзяцей любоў да малой радзімы
Веданне сваіх каранёў спрыяе станаўленню патрыятычных пачуццяў, выхоўвае любоў да малой радзімы. Праект «Сваё… Уборак: вёска з вялікай гісторыяй» выклікае цікавасць да ўнікальнай мясціны на карце Лоеўшчыны, дзе арганічна спалучаецца сучаснасць з даўніной, а багатая гісторыя і культура прываблівае непаўторнасцю. Тут выкарыстаны шматлікія архіўныя дакументы, кніжныя і газетныя публікацыі, успаміны, фотаздымкі.
– Прадстаўнікам старэйшага пакалення ёсць што расказаць малодшаму, бо пераемнасць – гэта мост паміж мінулым і сучасным, сувязь, якую неабходна падтрымліваць, – упэўнена Наталля Курдзесава. – Моладзь мае магчымасць выкарыстоўваць веды, назапашаныя на працягу жыцця пажылымі людзьмі, спазнаць традыцыі і асновы роду, культурныя каштоўнаcці. Сведчанне таму – шэраг мерапрыемстваў, праведзеных у рамках праекта, сярод якіх «Спасаўскія прысмакі», «Матывы народнага ручніка», «Наш край у гады Вялікай Айчыннай вайны». Увесь краязнаўчы матэрыял з фотаздымкамі размешчаны ў бібліятэцы на выставах «Вёска Уборак у люстэрку часу», «Іх лёс з нашай вёскай спалучаны», «Зямля, якой ты часцінка». Цікавасць чытачоў заўсёды вызывае экспазіцыя «Беларускі ручнік» з работамі мясцовай майстрыхі Валянціны Бярнацкай.
Наперадзе яшчэ мноства задумак, работа працягваецца. Магчыма, дзякуючы менавіта гэтаму праекту з’явяцца новыя старонкі гісторыі вёскі Уборак.
Реклама
