Натхненне для вяскоўцаў

У вёсцы Старое Сяло прайшоў чарговы этап рэспубліканскага фестывалю “Майстры мастацтваў — працаўнікам сяла”. Перад жыхарамі выступіў Дзяржаўны акадэмічны народны хор імя Цітовіча пад кіраўніцтвам Міхаіла Дрынеўскага. Выдатны калектыў прэзентаваў слухачам канцэртную праграму, якая доўжылася амаль паўтары гадзіны. Потым фестываль пераехаў у Ветку, дзе хор імя Цітовіча таксама падарыў жыхарам цудоўны канцэрт.