Іграй, дудка!

“…Я шмат гдзе быў, шмат чаго відзеў і чытаў: і пераканаўся, што мова нашая  ёсць такая ж людская і панская, як і французская, альбо нямецкая, альбо і іншая якая”. Гэтыя словы самага яркага нацыянальнага паэта Беларусі 19-га стагоддзя Францішка Багушэвіча вельмі абвострана адчуліся ў Кушлянах, дзе праходзіла яго маленства. Сюды мы завіталі ў час свята беларускага пісьменства, якое сёлета адзначалася на Гродзеншчыне. Адчулі гонар за тое, што ў нас ёсць гэта неўміручая спадчына. Сядзібны дом аўтара “Дудкі беларускай” і “Смыка беларускага” размешчаны на ўзвышшы, з якога адкрываецца вачам такая прастора роднай зямлі, што адчуваеш яе веліч, сілу. Менавіта тут паэт спасцігаў жыццё народа,