Неглюбцы на беразе акіяна

Наталля Буткоўская, інжынер-эканаміст з Прымор’я, аўтар кніг і артыкулаў радаслоўнай і краязнаўчай тэматыкі, дзеючы член Рускага геаграфічнага таварыства, у 2005 годзе даведалася, што яе прапрадзед родам з вёскі Неглюбка. Дарафей Сафронавіч Мельнікаў стаў хадаком ад 55 сем’яў на Далёкі Усход Расіі, дзе ў Паўднёва-Усурыйскім краі перасяленцамі-неглюбцамі заснаваны пасяленні Іванаўка і Мікалаеўка.
Лёс звёў Буткоўскую з даследчыкам гэтага беларускага рэгіёна, навукоўцай-этнографам Ірынай Смірновай. Імі састаўлены зборнік, які ўключае гісторыка-этнаграфічны нарыс пра вёску Неглюбка, артыкулы пра гісторыю асваення Прыморскага краю і заснавання Іванаўкі і Мікалаеўкі, сямейную хроніку Мельнікавых — першых марскіх перасяленцаў на Далёкі Усход. У радаслоўных роспісах і табліцах — 846 чалавек, якія складаюць 11 пакаленняў, храналогія радаводу — ад 1700 года да нашых дзён. Аўтары карысталіся мноствам даследванняў, друкаванымі і архіўнымі крыніцамі, у тым ліку з фондаў Расійскага дзяржаўнага гістарычнага архіву Далёкага Усходу і Нацыянальнага гістарычнага архіву Беларусі. Нядаўна ў Веткаўскай цэнтральнай бібліятэцы адбылася прэзентацыя кнігі “Мельниковы. Бондарь. Головко. Семейные хроники”, якая выда-дзена ва Уладзівастоку тыражом усяго толькі 200 экзэмпляраў. На жаль, кніга, цікавая жыхарам Неглюбкі, краязнаўцам і навукоўцам, патрапіла ў разрад вельмі рэдкіх.