Прэмія Прэзідэнта — Веткаўскаму музею

Учора ў Мінску адбылося ўрачыстае ўручэнне прэмій Прэзідэнта Рэспублікі Беларусь “За духоўнае адраджэнне”, якой нашы суайчыннікі адзначаюцца за выдатныя творы літаратуры і мастацтва, актыўную падзвіжніцкую дзейнасць у гуманітарнай сферы. За плённую працу па захаванню і прапагандзе гісторыка-культурнай спадчыны калектыву Веткаўскага музея народнай творчасці прысуджана спецыяльная прэмія Прэзідэнта ў намінацыі “Музейная справа”. Веткаўскія абразы, старадрукаваныя кнігі, непаўторныя ручнікі вядомы ва ўсім свеце, і ў гэтым вялікая заслуга супрацоўнікаў музея. Ганарымся нашымі землякамі і жадаем новых творчых дасягненняў!
 Н. Злыдзенка