У хатку да прадзеда…

Народны пісьменнік Беларусі Іван Мележ свайму знакамітаму твору пра жыццё палешукоў нездарма даў назву “Людзі на балоце”. Бо і сапраўды ў тыя далёкія часы жылі палешукі ў акружэнні непраходных балот. І нават хаты ставілі на высокія дубовыя падпоркі, каб не залівала іх вада падчас паводак.
Менавіта такую пабудову можна зараз убачыць у цэнтры вёскі Глінішча Хойніцкага раёна — малой радзіме Івана Мележа. Этнаграфічны музей пад адкрытым небам так і называецца “Сядзіба глінішчанскага селяніна”. Кожны, хто наведвае мележаўскія мясціны, з цікавасцю знаёміцца з прадметамі побыту палешукоў, што жылі тут у мінулыя стагоддзі.
Вывучаюць з задавальненнем гісторыю роднай вёскі з малога ўзросту і выхаванцы Глінішчанскай школы-сада, якія штодзень бавяць вольны час ля сядзібы свайго
продка-селяніна.
Мікалай Бяльковіч