Сонечныя цуды з саломкі Палесся

Гледзячы на такую прыгажосць, нельга не зачаравацца! Згадваеш, што менавіта палеская зямля шчодрая і на ўраджаі хлебнай нівы, і на таленавітых майстроў, здольных з сонечных сцяблінак стварыць такія непаўторныя вырабы.
Шкатулкі, дэкаратыўныя букеты для офісаў, саламяныя скрыпкі і балалайкі — што толькі не прывезлі ў расійскую сталіцу прадстаўнікі Хойніцкай фабрыкі мастацкіх вырабаў!
У час кірмашу ў Паўднёва-Заходняй акрузе Масквы хайнікчане сваімі саламянымі цудамі замацавалі кантакты са шматлікімі прадпрымальнікамі і прадстаўнікамі мастацкіх салонаў. Вярнуліся на ра-
дзіму з пакетамі прапаноў і канкрэтных заказаў. Ёсць дамова, што надалей будзе развівацца супрацоўніцтва з некаторымі суб’ектамі гаспадарання расійскай сталіцы.
"ГП"