Запрашае музей пошты
- 1493
- 11:14
- 24.01.2008
Поделиться
У Гомельскім філіяле РУП “Белпошта” адкрыўся музей паштовай сувязі. Аналаг ёсць толькі ў Мінску. Як расказаў дырэктар М. М. Кірыенка, паштавікі — людзі вельмі адданыя сваёй прафесіі: “Калі дзяды ў нас працуюць, дык і сыны, і ўнукі таксама ідуць да нас. Таму і праблем са стварэннем музея
не ўзнікла: як толькі папрасілі супрацоўнікаў прыносіць рэчы, адразу нам пачалі дарыць розныя рарытэты”.
У музеі звяртаюць на сябе ўвагу стэнды аб гісторыі станаўлення гомельскай пошты. Адным з першых нашых паштмайстраў быў Адам Гарошка (1776 год). Можна даведацца аб расцэнках на паштовыя паслугі ў пачатку XX стагоддзя і аб колькасці служачых у 1909 —1913 гадах. У экспазіцыі прадстаўлены першыя штэмпелявальныя машыны і вылічальныя механізмы, калекцыя каляндарных і даплатных штэмпеляў, сургучніцы, страхавыя пячаткі. Асаблівую цікавасць уяўляюць самавар і конаўка, вельмі дакладны марскі гадзіннік, прыёмнік “Партызан”, якія былі ў першых паштовых вагонах.
На стэндах “Заслужаныя работнікі паштовай сувязі” размешчаны фотаздымкі майстроў сувязі СССР і Рэспублікі Беларусь. Побач — Кнігі пашаны, працоўнай і народнай славы. Яны таксама аб дасягненнях найбольш вядомых гомельскіх паштавікоў. Ёсць і экспазіцыя, прысвечаная гісторыі беларускіх марак і канвертаў, у якой прадстаўлены ў тым ліку і першыя маркі і канверты незалежнай Рэспублікі Беларусь.
У музеі сабрана больш за 500 фотаздымкаў, звязаных са станаўленнем і развіццём пошты, ветэранамі гэтай службы. Сярод іх вельмі рэдкія: “Нагрудны знак паштовага служачага 1861 года” і “Кіраўніцтва губернскай управы сувязі 1923 года”. Ёсць таксама і іншыя рарытэты: копія з першага нумара газеты “Праўда”, “Грамата Народнага Камісара сувязі СССР Сергейчука ад 1945 года”. На вялікай карце Гомельскай вобласці — фотаздымкі былых і новых будынкаў раённых вузлоў паштовай сувязі (РВПС).
Да 1 верасня плануецца стварыць гісторыю кожнага РВПС нашай вобласці, зрабіць слайды. Будуць наладжаны экскурсіі для вучняў сярэдніх школ, навучэнцаў ПТВ і ўсіх жадаючых.
Гомельскі філіял РУП “Белпошта” звяртаецца да жыхароў Гомеля і вобласці з просьбай дасылаць у музей экспанаты, якія так ці інакш звязаны з гісторыяй развіцця пошты, на адрас: г. Гомель, вул. Курчатава, 2, Музей паштовай сувязі.
Наталля СТАРЧАНКА
не ўзнікла: як толькі папрасілі супрацоўнікаў прыносіць рэчы, адразу нам пачалі дарыць розныя рарытэты”.
У музеі звяртаюць на сябе ўвагу стэнды аб гісторыі станаўлення гомельскай пошты. Адным з першых нашых паштмайстраў быў Адам Гарошка (1776 год). Можна даведацца аб расцэнках на паштовыя паслугі ў пачатку XX стагоддзя і аб колькасці служачых у 1909 —1913 гадах. У экспазіцыі прадстаўлены першыя штэмпелявальныя машыны і вылічальныя механізмы, калекцыя каляндарных і даплатных штэмпеляў, сургучніцы, страхавыя пячаткі. Асаблівую цікавасць уяўляюць самавар і конаўка, вельмі дакладны марскі гадзіннік, прыёмнік “Партызан”, якія былі ў першых паштовых вагонах.
На стэндах “Заслужаныя работнікі паштовай сувязі” размешчаны фотаздымкі майстроў сувязі СССР і Рэспублікі Беларусь. Побач — Кнігі пашаны, працоўнай і народнай славы. Яны таксама аб дасягненнях найбольш вядомых гомельскіх паштавікоў. Ёсць і экспазіцыя, прысвечаная гісторыі беларускіх марак і канвертаў, у якой прадстаўлены ў тым ліку і першыя маркі і канверты незалежнай Рэспублікі Беларусь.
У музеі сабрана больш за 500 фотаздымкаў, звязаных са станаўленнем і развіццём пошты, ветэранамі гэтай службы. Сярод іх вельмі рэдкія: “Нагрудны знак паштовага служачага 1861 года” і “Кіраўніцтва губернскай управы сувязі 1923 года”. Ёсць таксама і іншыя рарытэты: копія з першага нумара газеты “Праўда”, “Грамата Народнага Камісара сувязі СССР Сергейчука ад 1945 года”. На вялікай карце Гомельскай вобласці — фотаздымкі былых і новых будынкаў раённых вузлоў паштовай сувязі (РВПС).
Да 1 верасня плануецца стварыць гісторыю кожнага РВПС нашай вобласці, зрабіць слайды. Будуць наладжаны экскурсіі для вучняў сярэдніх школ, навучэнцаў ПТВ і ўсіх жадаючых.
Гомельскі філіял РУП “Белпошта” звяртаецца да жыхароў Гомеля і вобласці з просьбай дасылаць у музей экспанаты, якія так ці інакш звязаны з гісторыяй развіцця пошты, на адрас: г. Гомель, вул. Курчатава, 2, Музей паштовай сувязі.
Наталля СТАРЧАНКА
Реклама
