Падведзены вынікі першага абласнога дзіцячага конкурсу інтэлектуалаў “ДзетКІ”

У ім прынялі ўдзел усе раёны вобласці. Лепшымі сталі каманды “Мара” Савецкага і “Фантазёры” Чыгуначнага раёнаў Гомеля, “Чамучкі” Мазырскага, “Трэццякласнікі XXI стагоддзя” Жыткавіцкага і “Усмешка” Чачэрскага раёнаў.

Рабяты творча падышлі да самапрадстаўлення. Дамашняе заданне пад дэвізам “Давайце пазнаёмімся” ва ўсіх удзельнікаў атрымалася на выдатна. Не давалі сабе расслабляцца канкурсанты ў туры “Размінка”, дзе ім прапанавалі адказаць на пытанні па вучэбным прадмеце “Чалавек і свет”, вырашыць сітуацыі на тэму “Ты і прырода”. Шматпланавымі і цікавымі сталі інтэлектуальная гульня з выкарыстаннем тэм па рускай мове і літаратуры, а таксама матэматычнае даследаванне.