Кавуны з Іванаўкі дадуць фору астраханскім…

Тое, што Гомельшчына становіцца ўсё больш спрыяльнай для вырошчвання традыцыйна паўднёвых відаў садавіны і агародніны, пацвердзіў фермер Віктар Залесскі з Рэчыцкага раёна. На полі бліз вёскі Іванаўка ён другі год запар вырошчвае кавуны.
Прычым калі летась быў пасаджаны толькі невялікі ўчастак, то сёлета пад салодкі далікатэс фермер адвёў ужо паўтара гектара зямлі. Абвергнуў ён і сумненні скептыкаў, якія ўсміхаліся — ці будзе такім жа, як знакаміты астраханскі, чырвоным і спелым іванаўскі кавун? Аказалася, атрымаліся кавуны ніколькі не горшыя ні па памерах, ні па смаку. На рынку ў Рэчыцы іх цяпер з задавальненнем купляюць аматары паспытаць мясцовы “экзот”.
Мікалай Бяльковіч