Адны стараюцца, другія марудзяць
- 1968
- 00:00
- 08.04.2008
Поделиться
Па добрай традыцыі хлебаробы камунальнага сельскагаспадарчага унітарнага прадпрыемства імя Мележа ў ліку першых у Хойніцкім раёне пачынаюць сяўбу ранніх збожжавых культур і першымі заканчваюць яе.
Не стала выключэннем і сёлетняя вясна. У мінулую нядзелю вечарам тут пасеялі апошнія гектары ранніх збожжавых. Летась у гаспадарцы намалацілі па 28 цэнтнераў хлеба з гектара, а сёлета маюць намер перасягнуць рубеж у трыццаць цэнтнераў.
Павысіць ураджайнасць плануюць і ў КСУПе “Агракамбінат “Віць”, некаторых іншых гаспадарках раёна, дзе таксама сяўбу збожжавых ужо завяршаюць.
— Ды і ў цэлым па раёну падыходзім да фінішу, — падкрэслівае начальнік райсельгасхарчу Н. А. Слесарэнка. — Сёння асобныя сельгаспрадпрыемствы прыступілі да пасадкі бульбы. Адначасова заканчваем падрыхтоўку глебы пад кукурузу, іншыя больш познія яравыя культуры.
Зараз Хойніцкі раён лідзіруе ў вобласці па тэмпах сяўбы. Тут пасеяна ўжо 87% ад запланаванага. Высокімі тэмпамі вядуцца таксама пасяўныя работы ў Петрыкаўскім , Брагінскім, некаторых іншых паўднёвых раёнах. І тут большасць гаспадарак выходзяць на фініш.
Як паведаміў рэдакцыі начальнік аддзела інтэнсіфікацыі раслінаводства камітэта па сельскай гаспадарцы і харчаванню аблвыканкама М. С. Калеснікаў, у цэлым па вобласці на ўчарашні дзень было пасеяна ўжо 65% ранніх збожжавых культур да плана. У той жа час трэба зазначыць, што асобныя раёны не выйшлі і на 50%. Напрыклад, у Кармянскім раёне пасеяна на ўчарашні дзень менш палавіны запланаванай плошчы.
У аблсельгасхарчы падкрэсліваюць, што на гэтым тыдні сіноптыкі абяцаюць добрае надвор’е, а таму трэба актывізаваць палявыя работы, завяршыць паўсюдна сяўбу ранніх збожжавых культур і павысіць тэмпы падрыхтоўкі да сяўбы больш позніх яравых культур. Усё яравое поле ў вобласці займае 363,2 тысячы гектараў. У адносінах да гэтай плошчы пасеяна пакуль 24% .
Варта напомніць, што перад хлебаробамі Гомельшчыны ў 2008 годзе стаіць задача намалаціць мільён тон хлеба. У немалой ступені ад работы на вясеннім полі ў гэтыя дні залежаць і канчатковыя яе вынікі.
Сцяпан БАЛОТКІН
Не стала выключэннем і сёлетняя вясна. У мінулую нядзелю вечарам тут пасеялі апошнія гектары ранніх збожжавых. Летась у гаспадарцы намалацілі па 28 цэнтнераў хлеба з гектара, а сёлета маюць намер перасягнуць рубеж у трыццаць цэнтнераў.
Павысіць ураджайнасць плануюць і ў КСУПе “Агракамбінат “Віць”, некаторых іншых гаспадарках раёна, дзе таксама сяўбу збожжавых ужо завяршаюць.
— Ды і ў цэлым па раёну падыходзім да фінішу, — падкрэслівае начальнік райсельгасхарчу Н. А. Слесарэнка. — Сёння асобныя сельгаспрадпрыемствы прыступілі да пасадкі бульбы. Адначасова заканчваем падрыхтоўку глебы пад кукурузу, іншыя больш познія яравыя культуры.
Зараз Хойніцкі раён лідзіруе ў вобласці па тэмпах сяўбы. Тут пасеяна ўжо 87% ад запланаванага. Высокімі тэмпамі вядуцца таксама пасяўныя работы ў Петрыкаўскім , Брагінскім, некаторых іншых паўднёвых раёнах. І тут большасць гаспадарак выходзяць на фініш.
Як паведаміў рэдакцыі начальнік аддзела інтэнсіфікацыі раслінаводства камітэта па сельскай гаспадарцы і харчаванню аблвыканкама М. С. Калеснікаў, у цэлым па вобласці на ўчарашні дзень было пасеяна ўжо 65% ранніх збожжавых культур да плана. У той жа час трэба зазначыць, што асобныя раёны не выйшлі і на 50%. Напрыклад, у Кармянскім раёне пасеяна на ўчарашні дзень менш палавіны запланаванай плошчы.
У аблсельгасхарчы падкрэсліваюць, што на гэтым тыдні сіноптыкі абяцаюць добрае надвор’е, а таму трэба актывізаваць палявыя работы, завяршыць паўсюдна сяўбу ранніх збожжавых культур і павысіць тэмпы падрыхтоўкі да сяўбы больш позніх яравых культур. Усё яравое поле ў вобласці займае 363,2 тысячы гектараў. У адносінах да гэтай плошчы пасеяна пакуль 24% .
Варта напомніць, што перад хлебаробамі Гомельшчыны ў 2008 годзе стаіць задача намалаціць мільён тон хлеба. У немалой ступені ад работы на вясеннім полі ў гэтыя дні залежаць і канчатковыя яе вынікі.
Сцяпан БАЛОТКІН
Реклама
