Самы смачны — сок роднай зямлі

Толькі адзін раз за год, напачатку вясны, дае прырода гэты смачны і карысны прадукт — бярозавы сок. Прычым нарыхтоўка яго працягваецца ўсяго некалькі тыдняў, і за кароткі час трэба паспець здабыць соку як мага болей.
Таму напружана вядуць гэтымі днямі нарыхтоўку бярозавіку лесаводы Ельскага лясгаса. Планавае заданне — 90 тон — выканана ўжо больш як напалову. Сок адвозіцца на перапрацоўку на Ельскі кансервавы завод. Якасць прадукту выдатная, бо сок здабываюць з бяроз па тэхналогіі, якая выключае пападанне ў яго атмасферных ападкаў.
Мікалай БЯЛЬКОВІЧ