Хлеб з поля ўбралі і дажынкi адгулялi

Хлеб ніколі не даецца лёгка, і таму для працаўнікоў вёскi дажынкі — сапраўды зорны час. Іх святкаванне набывае ўсё большы размах не толькі ў маштабах краіны. У мінулую суботу свае раённыя дажынкі ладзілі калінкавічане.
Іх уклад у рэспубліканскі каравай атрымаўся даволі важкі — 48 тысяч тон збожжа. Калі ж убяруць кукурузу на зерне, то агульны намалот перавысіць мінулагодні. Чым не падстава для свята? Вуліца Савецкая і гарадскі парк сталі яго эпіцэнтрам. Герояў хлебнай нівы і гасцей шчыра павіншавалі першы намеснік старшыні Калінкавіцкага райвыканкама М. М. Какора і намеснік старшыні Я. Б. Адаменка. А таксама В. І. Піліпец — да нядаўняга часу кіраўнік раённай вертыкалі, а зараз — памочнік Прэзідэнта Рэспублікі Беларусь, галоўны інспектар па Віцебскай вобласці.
Адзін за другім на сцэну падымаліся камбайнеры і вадзіцелі — тыя, ад каго, па вялікаму рахунку, і залежыў лёс такога нялёгкага сёлетняга ўра¬джаю. Прыгожыя ў сваёй сціпласці і годнасці, у полі яны адчувалі сябе куды больш упэўнена. Узнагароды ж і падарункі атрымлівалі дастойныя — халадзільнікі, тэлевізары, пральныя машыны, дываны, мэблевыя гарнітуры, музычную і відэатэхніку.
Ушанаванні суправаджаліся выступленнямі самадзейных артыстаў. Дэманстрацыя самых розных талентаў адбывалася ў “горадзе майстроў”. У конкурсах мод, прычосак — самыя прыгожыя дзяўчаты. Для жадаючых былі наладжаны спартыўныя спаборніцтвы. Шырэй адзначыць свята запрашалі багатыя, з густам аформленыя гандлёвыя рады, імправізаваныя вулічныя кафэ, вясковыя падвор’і.
Л. ЛОБАН