Новая сеялка для рупліўца

Год таму Аляксандр Аўраменка прыехаў у Ельск з Нараўлянскага раёна па сямейных абставінах. Тут жыла яго нявеста, якая хутка стала жонкай. А дзе працаваць? Для маладога механізатара выбар работы быў у гора-дзе. Але ён аддаў перавагу камунальнаму сельскагаспадарчаму унітарнаму прадпрыемству “Ельск”. Паколькі яго тут добра ведалі, то далі новы энерганасычаны трактар МТЗ-2022 і высокаэфектыўную сеялку француз-
скай вытворчасці, якую набылі вясной. На гэтым агрэгаце малады механізатар некалькі дзён працаваў у час веснавой пасяўной кампаніі. У пачатку верасня ён першым прыступіў да перадпасяўной апрацоўкі глебы і сяўбы азімых культур. Пры дапамозе новага агрэгата Аляксандр выконвае адначасова некалькі аперацый. У выніку што-дзённа засявае азімыя на плошчы амаль у 20 гектараў. Высокай выпрацоўкі на другім сеяльным агрэгаце дабіваецца таксама малады трактарыст Мікалай Жудро. Разам яны апераджаюць графікі пасяўных работ. Таму па іх тэмпах гэтае сельгаспрадпрыемства трымае першае месца ў раёне. Яго дырэктар А. Г. Марозава адзначае, што іншыя асеннія работы вядуцца ў гаспадарцы паспяхова, бо і тут прыклад у працы паказваюць маладыя хлебаробы. Дзмітрый Хамутоўскі на энерганасычаным трактары айчыннай вытворчасці ў счэпе з васьмікорпусным плугам двойчы перакрывае заданні на ўзорванні глебы.
— Дарэчы, гэтага механізатара мы забяспечылі добрым жыллём, — гаворыць Алена Гардзееўна. — Хутка такое жыллё атрымаюць Аляксандр Аўраменка і іншыя маладыя работнікі: для іх будуем дзесяць домікаў прысядзібнага тыпу. І ўвогуле для моладзі ствараем добрыя ўмовы. Таму да нас ахвотна ідуць маладыя хлебаробы і выдатна працуюць.
С. ДАРОЖНЫ