Піваварны ячмень абмалочаны
- 1551
- 11:15
- 24.01.2008
Поделиться
Учора вечарам асабліва старанна працавалі камбайнеры сельскагаспадарчага вытворчага кааператыва “Чырвоны сцяг” Рэчыцкага раёна на ячменным полі, якое займае тут 600 гектараў. І гэта зразумела — абмалочваліся апошнія гектары.
— У нас сёлета вырошчваецца толькі піваварны ячмень, — гаворыць старшыня кааператыва В. С. Панчанка. — Мы павінны прадаць яго дзяржаве 1100 тон, або чвэрць ад усяго, што запланавана ўсімі сельгаспрадпрыемствамі раёна. Таму і надаем ячменнаму полю найбольшую ўвагу.
Віталь Сямёнавіч паведаміў, што ячмень вырошчваўся па інтэнсіўных тэхналогіях, быў пасеяны высокаўраджайнымі сартамі Стратус і Цюрынгія. У выніку ў сярэднім з гектара намалочана больш як 60 цэнтнераў. Ды і ў цэлым па гаспадарцы ўраджайнасць выдатная — на круг выходзіць 55,7 цэнтнера збожжа.
Варта адзначыць і той факт, што з першага дня ўборка збожжавых і зернебабовых культур, якія займаюць дзве з паловай тысячы гектараў, тут вядзецца арганізавана, хутка і якасна. На працягу жніва па яго тэмпах “Чырвоны сцяг” займае першае месца ў спаборніцтве сярод гаспадарак вобласці. На ўчарашні дзень было абмалочана ўжо 64 працэнты збажыны да плана, або звыш 1600 гектараў.
Зараз у рабоце задзейнічана адначасова 17 камбайнаў, з якіх 11 — вытворчасці “Гомсельмаша”. Тры камбайны “КЗС -10К” набыты ў апошні час. Камбайнеры сведчаць, што яны высокапрадукцыйныя. Добрых намалотаў таксама дабіваюцца механізатары на іншай айчыннай тэхніцы.
Няма затрымкі і з перавозкай хлеба ад камбайнаў на зернесушыльныя комплексы, якіх сёлета ў сельгаспрадпрыемстве тры. Перад пачаткам жніва была зманціравана новая нямецкая сушылка. Такіх сёлета ў нашай вобласці задзейнічана толькі дзве. Работа на зернетаках таксама арганізавана выдатна. Адборнае, даведзенае да ладу зерне адразу ж адпраўляецца ў дзяржаўныя засекі. Прададзена ўжо больш тысячы тон, з якіх 700 тон — піваварнага ячменю. План па яго нарыхтоўках плануецца выканаць у бліжэйшыя дні. Актывізавалася работа па хлебанарыхтоўках і ў некаторых іншых сельскіх гаспадарках.
— Штодзённа ў раёне нарастаюць і тэмпы ўборкі збожжавых культур, — гаворыць начальнік упраўлення сельскай гаспадаркі і харчавання Рэчыцкага райвыканкама С. Ф. Краўчанка. — Высокіх намалотаў дабіваюцца камбайнеры вытворчых сельскагаспадарчых кааператываў “50 год Кастрычніка”, “Савецкая Беларусь”, “Абарона краіны”, іншых сельгаспрадпрыемстваў.
У цэлым па раёну ўбрана ўжо 62 працэнты збожжавых культур. Па гэтым паказчыку рэчыцкія хлебаробы займаюць другое месца ў вобласці.
Сцяпан БАЛОТКІН
— У нас сёлета вырошчваецца толькі піваварны ячмень, — гаворыць старшыня кааператыва В. С. Панчанка. — Мы павінны прадаць яго дзяржаве 1100 тон, або чвэрць ад усяго, што запланавана ўсімі сельгаспрадпрыемствамі раёна. Таму і надаем ячменнаму полю найбольшую ўвагу.
Віталь Сямёнавіч паведаміў, што ячмень вырошчваўся па інтэнсіўных тэхналогіях, быў пасеяны высокаўраджайнымі сартамі Стратус і Цюрынгія. У выніку ў сярэднім з гектара намалочана больш як 60 цэнтнераў. Ды і ў цэлым па гаспадарцы ўраджайнасць выдатная — на круг выходзіць 55,7 цэнтнера збожжа.
Варта адзначыць і той факт, што з першага дня ўборка збожжавых і зернебабовых культур, якія займаюць дзве з паловай тысячы гектараў, тут вядзецца арганізавана, хутка і якасна. На працягу жніва па яго тэмпах “Чырвоны сцяг” займае першае месца ў спаборніцтве сярод гаспадарак вобласці. На ўчарашні дзень было абмалочана ўжо 64 працэнты збажыны да плана, або звыш 1600 гектараў.
Зараз у рабоце задзейнічана адначасова 17 камбайнаў, з якіх 11 — вытворчасці “Гомсельмаша”. Тры камбайны “КЗС -10К” набыты ў апошні час. Камбайнеры сведчаць, што яны высокапрадукцыйныя. Добрых намалотаў таксама дабіваюцца механізатары на іншай айчыннай тэхніцы.
Няма затрымкі і з перавозкай хлеба ад камбайнаў на зернесушыльныя комплексы, якіх сёлета ў сельгаспрадпрыемстве тры. Перад пачаткам жніва была зманціравана новая нямецкая сушылка. Такіх сёлета ў нашай вобласці задзейнічана толькі дзве. Работа на зернетаках таксама арганізавана выдатна. Адборнае, даведзенае да ладу зерне адразу ж адпраўляецца ў дзяржаўныя засекі. Прададзена ўжо больш тысячы тон, з якіх 700 тон — піваварнага ячменю. План па яго нарыхтоўках плануецца выканаць у бліжэйшыя дні. Актывізавалася работа па хлебанарыхтоўках і ў некаторых іншых сельскіх гаспадарках.
— Штодзённа ў раёне нарастаюць і тэмпы ўборкі збожжавых культур, — гаворыць начальнік упраўлення сельскай гаспадаркі і харчавання Рэчыцкага райвыканкама С. Ф. Краўчанка. — Высокіх намалотаў дабіваюцца камбайнеры вытворчых сельскагаспадарчых кааператываў “50 год Кастрычніка”, “Савецкая Беларусь”, “Абарона краіны”, іншых сельгаспрадпрыемстваў.
У цэлым па раёну ўбрана ўжо 62 працэнты збожжавых культур. Па гэтым паказчыку рэчыцкія хлебаробы займаюць другое месца ў вобласці.
Сцяпан БАЛОТКІН
Реклама
