Сяўба “даганяе” вясну

У адрозненне ад папярэдніх гадоў сёлета вясна прыпазнілася, а таму зацягнуўся і пачатак палявых работ. Да іх выбарачна прыступілі асобныя гаспадаркі толькі на мінулым тыдні. У той жа час неабходна выканаць вялікі аб’ём работ — пасеяць 332,6 тысячы гектараў яравых культур, у тым ліку 154,9 тысячы збожжавых і зернебабовых.
— За апошнія дні пацяплела, хутка стала падсыхаць глеба і работы на палях вобласці актывізаваліся, — гаворыць начальнік ад-дзела раслінаводства аблсельгасхарчу М. С. Калеснікаў. — Па стану на 10 красавіка сяўбу вялі ўсе раёны, за выключэннем Светлагорскага і Кармянскага. Пасеяна каля трох тысяч гектараў ранніх каласавых збожжавых. Найбольш высокімі тэмпамі работа арганізавана ў Калінкавіцкім, Лельчыцкім і Петрыкаўскім раёнах. Зараз трэба паўсюдна і штодзённа набіраць хуткасць вядзення вясенне-пасяўных работ. Перад хлебаробамі вобласці стаіць задача: каласавыя збожжавыя пасеяць да 25 красавіка, а сяўбу яравых культур у цэлым завяршыць да 15 мая.

Будзе важкім
ячменны колас
Летась у калгасе (СВК) “Чырвоны Сцяг” Рэчыцкага раёна ўпершыню валавы збор хлеба перавысіў пятнаццаць тысяч тон. Ураджайнасць склала 60 цэнтнераў з гектара. Яшчэ больш даў ячмень сартоў “Сільфід” і “Стратус” замежнай селекцыі, якія займалі зусім невялікія плошчы. Сёлета гэтымі сартамі плануецца засеяць увесь ячменны клін у 700 гектараў. Насенны матэрыял ёсць. У поўнай гатоўнасці знахо-дзяцца сеяльныя агрэгаты. Распрацаваны і даведзены да ўдзельнікаў веснавой пасяўной кампаніі меры маральнай і матэрыяльнай зацікаўленасці.
У бліжэйшы час у гаспадарцы плануецца пачаць сяўбу. Адначасова будуць весціся і іншыя палявыя работы.
С. ДАРОЖНЫ