Калыска вершаў і санетаў — і ёсць Глыбоччыны зямля
- 4502
- 09:56
- 04.09.2012
Поделиться
І сапраўды, гэты куток Беларусі не можа не зачараваць. У мяжы райцэнтра Глыбокае, што на Віцебшчыне, аж пяць маляўнічых азёраў. Як жа тут не пісаць вершаў і санетаў?
19-е свята Дня беларускага пісьменства завітала ў пяты раз на Віцебшчыну. І гарадок (яму ў 2014-м споўніцца 600 гадоў) памаладзеў, папрыгажэў, сазваў шмат гасцей, сярод якіх былі і прадстаўнікі дыпламатычных місій замежных краін, гарадоў-пабрацімаў з Латвіі, Літвы, Расіі, Францыі. У Глыбокім адкрылі алею знакамітых землякоў, прынамсі, і бюст двойчы Героя Сацыялістычнай Працы, авіяканструктара Паўла Сухога, жыццё якога звязана і з нашым Гомелем. На цэнтральнай плошчы райцэнтра з’явіўся шыкоўны ўнівермаг «Родны кут», выраслі панадворкі ўсіх раёнаў Віцебшчыны, на якіх жыхары рэгіёна прадставілі свае рамёствы, нацыянальныя строі, кулінарныя і кандытарскія цуды, дарункі агародаў і лясоў.
На ўрачыстай цырымоніі адкрыцця свята намеснік прэм’ер-міністра Рэспублікі Беларусь, старшыня Нацыянальнага аргкамітэта па падрыхтоўцы і правядзеннi Дня беларускага пісьменства Анатоль Тозік шчыра павіншаваў глыбачан, усіх прысутных і зачытаў тэкст прывітання Прэзідэнта Рэспублікі Беларусь Аляксандра Лукашэнкі, у якім падкрэсліваецца: «Любоў да мастацкага слова і прага да ведаў спрадвеку былі неад’емнай часткай беларускага менталітэту. Напачатку III тысячагоддзя кніга па-ранейшаму застаецца крыніцай вопыту, натхнення, шчырай любові да роднай зямлі».
Старшыня Віцебскага аблвыканкама Аляксандр Косінец зазначыў, што яшчэ ў XVI стагоддзі ў Беларусі было выдадзена 400 кніг, а гэта больш, чым у любой заходняй краіне на той час. І першая кніга — скарынаўская — з’явілася ў 1517 годзе на Віцебшчыне.
Па традыцыі на свяце падведзены вынікі рэспубліканскага літаратурнага конкурсу «Лепшы твор 2011 года». Старшыня Саюза пісьменнікаў Беларусі Мікалай Чаргінец на цырымоніі ўзнагароджання лаўрэатаў падкрэсліў: «Пісьменніцтва, кніга, літаратура аб’ядноўваюць народы». Прыемна, што сярод лаўрэатаў і нашы пісьменнікі-землякі: Анатоль Караленка (дыплом трэцяй ступені за кнігу для дзяцей «Вясёлка чорнага золата») і былы журналіст «Гомельскай праўды» Пётр Радзечка (дыплом другой ступені за літаратуразнаўчую кнігу «Реабилитированный Есенин»).
19-е свята Дня беларускага пісьменства завітала ў пяты раз на Віцебшчыну. І гарадок (яму ў 2014-м споўніцца 600 гадоў) памаладзеў, папрыгажэў, сазваў шмат гасцей, сярод якіх былі і прадстаўнікі дыпламатычных місій замежных краін, гарадоў-пабрацімаў з Латвіі, Літвы, Расіі, Францыі. У Глыбокім адкрылі алею знакамітых землякоў, прынамсі, і бюст двойчы Героя Сацыялістычнай Працы, авіяканструктара Паўла Сухога, жыццё якога звязана і з нашым Гомелем. На цэнтральнай плошчы райцэнтра з’явіўся шыкоўны ўнівермаг «Родны кут», выраслі панадворкі ўсіх раёнаў Віцебшчыны, на якіх жыхары рэгіёна прадставілі свае рамёствы, нацыянальныя строі, кулінарныя і кандытарскія цуды, дарункі агародаў і лясоў.
На ўрачыстай цырымоніі адкрыцця свята намеснік прэм’ер-міністра Рэспублікі Беларусь, старшыня Нацыянальнага аргкамітэта па падрыхтоўцы і правядзеннi Дня беларускага пісьменства Анатоль Тозік шчыра павіншаваў глыбачан, усіх прысутных і зачытаў тэкст прывітання Прэзідэнта Рэспублікі Беларусь Аляксандра Лукашэнкі, у якім падкрэсліваецца: «Любоў да мастацкага слова і прага да ведаў спрадвеку былі неад’емнай часткай беларускага менталітэту. Напачатку III тысячагоддзя кніга па-ранейшаму застаецца крыніцай вопыту, натхнення, шчырай любові да роднай зямлі».
Старшыня Віцебскага аблвыканкама Аляксандр Косінец зазначыў, што яшчэ ў XVI стагоддзі ў Беларусі было выдадзена 400 кніг, а гэта больш, чым у любой заходняй краіне на той час. І першая кніга — скарынаўская — з’явілася ў 1517 годзе на Віцебшчыне.
Па традыцыі на свяце падведзены вынікі рэспубліканскага літаратурнага конкурсу «Лепшы твор 2011 года». Старшыня Саюза пісьменнікаў Беларусі Мікалай Чаргінец на цырымоніі ўзнагароджання лаўрэатаў падкрэсліў: «Пісьменніцтва, кніга, літаратура аб’ядноўваюць народы». Прыемна, што сярод лаўрэатаў і нашы пісьменнікі-землякі: Анатоль Караленка (дыплом трэцяй ступені за кнігу для дзяцей «Вясёлка чорнага золата») і былы журналіст «Гомельскай праўды» Пётр Радзечка (дыплом другой ступені за літаратуразнаўчую кнігу «Реабилитированный Есенин»). 
Реклама
