Сёння — 100 гадоў з дня нараджэння народнага паэта Беларусі Максіма Танка

Сёння — 100 гадоў з дня нараджэння народнага паэта Беларусі Максіма Танка. У мінулую суботу на яго роднай зямлі — у райцэнтры Мядзел на Міншчыне адбылося свята паэзіі і песні, у якім бралі ўдзел міністр культуры Рэспублікі Беларусь Павел Латушка, кіраўніцтва Мінскай вобласці і Мядзельскага раёна, прадстаўнікі творчай інтэлігенцыі. Прэзентацыі танкаўскіх кніг ладзіліся ў краязнаўчым музеі і цэнтральнай раённай бібліятэцы. А на эстрадзе на ўзбярэжжы возера Нарач свае вершы-прысвячэнні Максіму Танку  чыталі сучасныя паэты, народная артыстка Беларусі Марыя Захарэвіч. Была арганізавана выстава вырабаў майстроў народнай творчасці, гучалі песні ў выкананні ансамбля ветэранаў педагагічнай працы “Вузлянка” і  прафесійных калектываў і выканаўцаў.