Паэты Гомельшчыны правялі творчую сустрэчу з вучнямі сярэдняй школы № 74

5149
14:40
22.04.2022
Наталья Лопатина

Мэта такіх мерапрыемстваў, як адзначыў старшыня абласнога аддзялення грамадскага аб'яднання "Саюз пісьменнікаў Беларусі", заслужаны дзеяч культуры краіны, празаік і публіцыст Уладзімір Гаўрыловіч, – прывіць любоў да чытання, ўзбагаціць ўнутраны свет дзяцей.

"Любая кніга пачынаецца з пісьменніка. Яго фантазія прымушае нас сумаваць, радавацца, разважаць, думаць. І вельмі добра, калі ёсць магчымасць пазнаёміцца з людзьмі, якія ўмеюць ажыўляць свае думкі і мары", – сказаў Уладзімір Гаўрыловіч.

Міхась Болсун, Лілія Вялічка, Мікалай Ждановіч з захапленнем чыталі свае вершы пра радзіму, подзвіг народа, Вялікую Перамогу, няпростыя падзеі, якія давялося перажыць жыхарам Беларусі пасля катастрофы на ЧАЭС. Пра важнасць ведаць і памятаць гісторыю роднай зямлі праз свае творы навучэнцам данесла малады аўтар Аліна Рыцік.

У рамках сустрэчы актывісты абласнога аддзялення грамадскага аб'яднання "Саюз пісьменнікаў Беларусі" пазнаёмілі дзяцей і педагогаў з навінкамі літаратуры, распавялі пра творчыя конкурсы і запрасілі навучэнцаў, якія сябруюць са словам, прымаць у іх актыўны ўдзел. Каб моладзь ведала і чытала творы гомельскіх аўтараў, яны падарылі ў школьную бібліятэку свае новыя кнігі.

Сустрэча с таленавітымі людзьмі праляцела як адно імгненне. Яна пакінула незабыўныя ўражанні і ўпэўненнасць у неабходнасці такіх мерапрыемстваў.