Агні фаер-шоу саграваюць дзіцячыя сэрцы

Нядаўна абласная дзіцячая бальніца медыцынскай рэабілітацыі стала месцам правядзення незабыўнага фаер-шоу. Дабрачыннае прадстаўленне было арганізавана ў рамках супрацоўніцтва з артыстамі гомельскага тэатра агню «Атэш». Атмасфера свята, якая панавала зусім нядаўна на імправізаваных пляцоўках Гомеля ў рамках Дня горада, перанеслася на тэрыторыю бальнічнай установы. Для маленькіх пацыентаў, якія праходзяць курс рэабілітацыі, артысты фаер-шоу падарылі пазітыўныя эмоцыі, яркія ўражанні зарад бадзёрасці і аптымізму. Навакольны свет для хворага дзіцяці набывае зусім іншыя фарбы ў тыя хвіліны, калі за справу бяруцца сапраўдныя прафесіяналы, здольныя падарыць свята, адзначыла фельдшар-валеолаг медыцынскай установы Таццяна Герасіменка. Дзякуючы такім мерапрыемствам, рэабілітацыя маленькіх пацыентаў праходзіць больш эфектыўна і на карысць.