З імкненнем перагнаць час

«Фота Мікалая Бяльковіча» — подпіс пад здымкамі рэпарцёра нашай газеты добра вядомы чытачам «Гомельскай праўды». Заўтра лёс пазначыць калегу вышэйшымі адзнакамі — 55. Да гэтай даты Мікола падышоў у актыўнай творчай форме. Чалавек працалюбівы, незаспакоены, ён ужо звыш трох дзесяцігоддзяў стала займаецца любімай справай. Іншы раз, назіраючы за яго жаданнем паўсюдна паспець, думаем, што наш Мiкалай Пятровiч мае намер абагнаць час. Мабыць, у гэтым і ёсць галоўны сэнс прафесіі фотарэпарцёра.
***
За шматгадовую плённую працу ў журналiстыцы, усебаковае асвятленне ў друку сацыяльна-культурнага i эканамiчнага развiцця Гомельшчыны аблвыканкам аб'явiў Падзяку загадчыку аддзела фотаiлюстрацыi газеты “Гомельская праўда” Мiкалаю Пятровiчу БЯЛЬКОВIЧУ.