Уцеўская школа атрымала перамогу ў абласным конкурсе «Працоўнае лета-2013»

Атрад «Кантакт» пад кіраўніцтвам брыгадзіра Вікторыі Траціннікавай каторы год запар супрацоўнічае з упраўленнем па працы, занятасці і сацыяльнай абароне Добрушскага райвыканкама. У выніку рэалізацыі шматлікіх працоўных праектаў іх удзельнікі змаглі папоўніць матэрыяльна-тэхнічную базу школы. Акрамя рэстаўрацыі мэблі, пашыву фіранак для вокнаў вучэбных кабінетаў і фае, добраўпарадкавання тэрыторыі школьнага двара сёлета рабяты пашылі 70 камплектаў пасцельнай бялізны для гарадскога дзіцячага садка № 6, а таксама прынялі ўдзел у добраўпарадкаванні тэрыторыі, расказала дырэктар навучальнай установы Ганна Станкевіч. Рабяты другой брыгады працавалі ў мясцовай гаспадарцы.