20 красавіка ў Гомелі пройдзе канцэрт вядомага беларускага гурта Akute

У мінулым годзе хлопцы літаральна выбухнулі альбомам «Не існуе», які сабраў цэлую калекцыю рознага кшталту ўзнагарод. І вось зараз музыкі выправіліся ў першы для сябе паўнавартасны тур па краіне. Выступы ўжо адбыліся Ў Магілёве, Мінску, Віцебску. У суботу у гарадскім цэнтры культуры праграму «Як на далоні» пачуюць і гомельскія прыхільнікі Akute. Прыемным падарункам стануць прэм’еры некалькіх песен з будучага альбома, праца над якім распачалася ў пачатку года.