Вялікая Перамога ў праектах навучэнцаў (фота, відэа)

Падведзены вынікі абласнога конкурсу па патрыятычным выхаванні “Спадчына”, прымеркаванага да 70-годдзя вызвалення горада Гомеля ад нямецка-фашысцкіх захопнікаў.  У ім прынялі ўдзел навучэнцы і работнікі ўстаноў прафесійна-тэхнічнай і сярэдняй спецыяльнай адукацыі. Пераможцы вызначаліся па трох асноўных намінацыях. Лепшай творчай работай быў названы праект “Мы ў іх у неаплатным абавязку...” Алены Уласавай з Мазырскага дзяржаўнага прафесійна-тэхнічнага ліцэя будаўнікоў. Перамогу ў намінацыі “Лепшая навукова-даследчая работа” атрымала Аксана Гарошка (на здымку) з праектам “Вялікая Перамога ў гісторыі маёй сям’і”, якая прадстаўляла Мазырскі дзяржаўны прафесійны ліцэй будаўнікоў № 2. Лепшай установай адукацыі па арганізацыі работы, накіраванай на развіццё падрастаючага пакалення па грама­дзянска-патрыятычным выхаванні, быў названы Гомельскі дзяржаўны прафесійны ліцэй рачнога флоту. Ініцыятарам інтэлектуальных спаборніцтваў выступіла Гомельская абласная арганізацыя РГТ “Белая Русь”, спецыяльнага прыза ад якой быў удастоены навукова-даследчы праект “Алгарытм звестак аб удзельніках Вялікай Айчыннай вайны з выкарыстаннем сучасных інфармацыйных тэхналогій”. Яго аўтар — студэнтка Гомельскага дзяржаўнага медуніверсітэта Таццяна Чубукова, дзякуючы праве­дзеным даследаванням, змаг­ла адшукаць сваіх родзічаў, загінуўшых у час вайны. Ва ўрачыстай цырымоніі ўзнагароджання пераможцаў конкурсу прыняў удзел намеснік старшыні рэспубліканскага грамадскага аб’яднання “Белая Русь” Аляксандр Шацько.