Фінберг зноў у Тураве

Да значнай культурнай падзеі рыхтуецца Тураў. У суботу, 30 жніўня, тут у дзесяты раз адбудзецца імпрэза камернай і духоўнай музыкі пад кіраўніцтвам народнага артыста Беларусі прафесара Міхаіла Фінберга. Адкрыецца мерапрыемства новым урокам беларускай музыкі ў Жыткавіцкай школе мастацтваў імя У. Будніка. А галоўная дзея фестывалю пройдзе ў гарадскім Доме культуры Турава. Перад аматарамі класічнага мастацтва выступіць заслужаны калектыў «Нацыянальны акадэмічны канцэртны аркестр Беларусі» і яго мастацкія калектывы з праграмай «Станіслаў Манюшка — славуты суайчыннік. Да 195-годдзя кампазітара». Таксама запланавана прэс-канферэнцыя маэстра Фінберга і мастацкая выстава «Скарбніца народнай самабытнасці».

Без уражанняў не застануцца і жыткавіцкія гледачы. У раённым цэнтры аркестр прэзентуе эстрадны канцэрт «Лепшыя песні — Палессю».